Компьютер, Програмистуудын онигоо: 6-р хэсэг

Чухал зөвлөгөө

Таныг  томилолтонд яваад ирэх үед гэр орон чинь цэвэрхэн, хүүхдүүд чинь бүгд хичээлээ давтсан, эхнэр чинь хоолоо хийж, хадам чинь тайван зурагт харж суувал – тэд нар компьютерийг чинь эвдсэн гэсэн үг.

Ухаалаг компьютерын заль

Ухаалаг компьютер олон улсын гроссмейстертэй шатар тоглож байгаад хожигдохуйц  хүнд нөхцөлд ормогцоо дэлгэц дээрээ порносайтаас видео гаргаж өөрийгөө аварчээ.

Програмистуудын нууц

Програмистууд яагаад эх эцэгтэйгээ дандаа цуг амьдардаг вэ? 
- Хөргөгчийг  автоматаар дүүргэх  функцээс салахыг хүсдэггүй дээ тэр...

Хүсэл биелэсэн нь

 Хоёр найз уулзав: 
 – Чи яагаад ийм гунигтай байна ? 
 – Би өчигдөр алтан загас барьсан юм. Тэгээд тэр миний хамгийн чухал хүслийг биелүүлж өгсөн 
– Чиний хүсэл юу байсан юм ? 
 – Билл Гейтс шиг их мөнгөтэй болохыг  
 – Тэгвэл чи баярлах ёстой юм биш үү! 
 – Би эхлээд баярласан гэтэл өнөөдөр Билл дампуурчихлаа… 

Зөөлөвтөр диск

Компьютеpын дэлгүүрт баян авгай орж ирэв. Худалдагч: 
- Би танд хатуу диск  сонгож өгье. Сайныг нь... 
- Сайн гэдэг нь – илүү зөөлөн гэсэн үг үү? 

Буруу таамаглал

Олон жилийн өмнө сая сармагчныг бичгийн машины өмнө нэгэн зэрэг суулгах боломжтой болсон үед нэг л өдөр тэд “Дайн ба Энх” гэж бичих магадлалтай гэж үзэж байсан. Гэтэл өнөөдөр интернет хөгжсөн үед тийм биш болох нь батлагдлаа... 

Чемоданд...

Системийн админд найзууд нь төрсөн өдрөөр нь чемодан бэлэглэв. Тэр асуусан нь : 
- Энүүгээр яадаг юм ? 
- Чи системийн засвар хийхийн тулд энэ тэндгүй томилолтоор явдаг биз дээ? 
- Тэгээд... 
- Иймд чи энэ дотор оймсоо, энд дотуураа өмдөө, тэнд цамцаа ....хийгээрэй... 
- Хүлээж бай хүлээж бай, Тэгээд би өөрөө хаана нь явах юм? 

 

Тус болж мэднэ...

Програмист  машин барьж явна. Гэтэл машин нь зогсож цаашаа явахгүй болов. Хажууд нь сууж явсан жолооч энийг ингэ дээ, тэрийг нь тэг дээ гэж зааварчилна. Программист: 
- Шаардлагагүй цонхуудыг хаачих уу? Тус болж мэднэ...