Дээш очих

Оны хүн буюу Ж.Ассанжийг сонгоогүйн учир

Америкийн "Time" сэтгүүл уламжлал ёсоор оны хүнээ тодруулаад удаагүй байна. Санал асуулгаар "Wikileaks"-ийг үндэслэн байгуулагч Жулиан Ассанж 382 мянган хүн буюу хамгийн олон саналыг авсан. Гэвч эцсийн шийдвэрийг тус сэтгүүлийн ерөнхий редактор гаргадаг. Харин тэр Facebook-ийг үндэслэн байгуулагч Марк Цукербергийг 2010 оны хүнээр тодруулахаар болсноо мэдэгдсэн юм. "Time"-ийн ерөнхий редактор Ричард Стенжел яагаад ийм шийдвэр гаргаснаа ч дэлгэрэнгүй тайлбарласан.
Тэрбээр "Ж.Ассанж, М.Цукерберг хоёр нэг зоосны хоёр тал. Тэд хоёулаа нийгмийг нээлттэй, тунгалаг байлгахын төлөө байдаг" гэсэн юм. Тэд хоёулаа багаасаа компьютер сонирхож, програм зохиож энэ чиглэлээр мэргэшиж чамлахааргүй амжилтад хүрчээ. Энэ салбарын хөгжил дэвшилд ч өөрсдийн гэсэн хувь нэмрээ оруулсан. Энэ утгаар нь авч үзвэл үнэхээр нэг зоосны хоёр тал мөн.
Гэхдээ тэдний хооронд маш том ялгаатай зүйл байгааг редактор онцолсон юм. Ж.Ассанж дэлхий ертөнцийг бодит бөгөөд хийсвэр дайснаар дүүрсэн гэж үздэг. Харин М.Цукерберг хүн төрөлхтөнд найз нөхөр гэсэн утгаар ханддаг. Ийнхүү тэдний ертөнцийг үзэх үзэл буюу бодит байдалд хандах хандлагын зөрүү нь эцсийн шийдвэрийг гаргахад нөлөөллөө. Яаж ч бодсон Америкийн үндэсний аюулгүй байдалд аюул учруулсан хүнийг "Time" сэтгүүл оны хүнээр тодруулахгүй нь ойлгомжтой. Америкийн дипломатуудын Төрийн Департаментдаа бичиж байсан захидал зэрэг нууц бичиг баримтуудыг олны хүртээл болгосон нь тус улсын эрх баригчдыг тун ч эвгүй байдалд оруулаад байна. Ерөнхийлөгч Б.Обама зарим орны удирдагчид өөрөө утас цохиж тайлбар өгөхөд хүрсэн юм. Ж.Ассанжийн Лондон хотноо баривчлагдсан хойно ч нууц баримтууд Wikileaks-т тавигдсаар байсан. Түүний эсрэг АНУ-ын эрх баригчид ямар нэгэн хэрэг үүсгээгүй байгаа. Хэрвээ Их Британийн шүүх Ассанжийг Шведийн талд хүлээлгэн өгөх юм бол АНУ-д шилжүүлэн өгөх нь гарцаагүй хэмээн үзэж байгаа хүмүүс ч цөөнгүй. Ямар ч байсан түүнийг барьцаагаар суллачихаад байгаа билээ. Ж.Ассанж багаасаа л орчин тойронтойгоо тэрсэлдсэн ертөнцөд өсчээ. Түүний ээж нь боловсролын системийг хүлээн зөвшөөрдөггүй байсан тул хүүдээ гэрээрээ боловсрол олгосон байна. Ассанж 37 сургууль сольсон гэдэг. Байнга нэг хотоос нөгөө рүү нүүж байсан тэрбээр төрсөн эцгээ ч мэддэггүй. Түүнийг 16 настай байхад хойд эцэг нь дүүг нь авна хэмээн сүрдүүлсэн байна.
Тиймээс аргагүйн эрхэнд ээж, дүү хоёрынхоо хамт нэг хэсэгтээ нуугдаж амьдрахад хүрчээ. Ээжтэйгээ хамтран "Хүүхдээ хамгаалах эцэг эхийн шаардлага" хэмээн төрийн бус байгууллага байгуулж байсан удаатай. Тухайн үед Ж.Ассанж хүүхдээ авахаар салсан эхнэртэйгээ шүүхдэж байжээ. Австралийн нийгмийн хамгаалал, эрүүл мэндийн салбар дахь хууль бус ажиллагааны талаар ч нэлээд баримтыг олны хүртээл болгож нэлээд шуугиан тарьж байв. Тэрбээр хэд хэдэн их сургуульд сурсан боловч нэгийг нь ч төгсөөгүй гэдэг. Нэг үгээр хэлэхэд өнөөдрийг хүртэл бүх амьдралаа "тэмцэлд" зориулсан байна. 2010 оны хүнээр шалгарсан Facebook-ийг үндэслэн байгуулагч Марк Цукерберг нь манай дэлхийн хамгийн залуу тэрбумтан. "Forbs" сэтгүүлээс гаргасан судалгаагаар найман тэрбум ам.доллартай тэнцэхүйц хөрөнгөтэй. Тэрбээр дэлхийн тэргүүн баячууд Б.Гейтс, У.Баффет нарын уриалгыг хүлээн авч хөрөнгийнхөө хагасыг буяны үйлсэд хандивлахаар болсон юм. Түүний энә шийдвэр нь "Time"-ийн ерөнхий эрхлэгчийн шийдвэрт ч нөлөөлсөн байж магад.
Марк Цукерберг Америкийн еврей. Эцэг эхээсээ дөрвүүлээ бөгөөд нэлээд чинээлэг айлын хоёр дахь хүүхэд. Нью-Йорк хотын баячуудын амьдардаг Доббз Ферри дүүрэгт өсчээ. Сургуульд байхдаа л компьютерийн програм сонирхож "Эрсдэл" хэмээх тоглоомыг зохиожээ. Есдүгээр ангид байхдаа найзтайгаа нийлж "Mp3 player Winamp" програмыг зохиосон аж. "Microsoft" компани түүнийг нь доод тал нь хоёр сая ам.доллараар худалдаж авахыг санал тавьсан боловч Марк зараагүй. Програм зохиохын хажуугаар Цукерберг сурлагадаа маш сайн байсан гэдэг. Туялзуур жадаар хичээллэж, эртний грек хэл сонирхдог байж. Зуныхаа амралтаар грек хэлний курст гурван сар суралцжээ. Түүний зохиосон анхны компьютерийн тоглоомын "Эрсдэл"-ийн үйл явц ч эртний Грект өрнөдөг.
"Microsoft","AOL" хэмээх томоохон компаниуд түүнд ажиллах санал тавьсан боловч бие даан энэ чиглэлээр ажиллахаар шийдсэн юм. Яагаад Харвардын их сургуулийн сэтгэл судлалын факультетийн оюутан болсныг нь тайлбарлахад хэцүү. Оюутан байхдаа компьютерийн курст давхар суралцаж Facebook-ийг байгуулах ажлаа эхлүүлжээ. Сургуулийнхаа веб хуудсыг хакердаж, дээр нь оюутнуудынхаа зургийг тавьж, хамгийн царайлгийг нь шалгаруулж байсан удаатай. Дөрвөн цагт 1500 оюутан оролцож саналаа өгсөн гэдэг. Эндээс хэрхэн олон хэрэглэгчтэй байж болохыг олж мэдсэн байна. Мэдээжийн хэрэг бөөн хэл ам болж, сургуулиасаа хөөгдөх ч шахсан. Тиймээс шинэ вэб хуудас нээж хоёр долоо хоногт Харвардын их сургуулийн оюутнуудын бараг тэн хагас нь тэнд нь бүртгүүлжээ. Марк Цукерберг сургалтынх нь төлбөрт өгөхөөр эцэг эхийнхээ хуримтлуулсан мөнгийг бизнестээ л зориулсан байна. Тэрбээр Nasster, төлбөрийн PayPal системийг зохиосон Шон Паркер, Питер Тил нартай танилцсан даруйдаа 500 мянган ам.долларын гэрээ байгуулж хамтран ажиллахаар тохиролцсон юм. Түүнээс хойш дэлхийн тэргүүн баян Билл Гейтс шиг сургуулиа орхиж програм зохиох ажилд бүх цагаа зарцуулжээ. Гэхдээ тэр хэзээ ч мөнгөнд улайрч байгаагүй.
Өнөөдөр Facebook-ийг мэдэхгүй хүн гэж бараг байхгүй. Одоогийн байдлаар 55 сая идэвхтэй хэрэглэгчтэй бөгөөд цаашид энэ тоо улам нэмэгдэх хандлагатай байна. Хэрэглэгчийнхээ тоогоор MySpace-ийн дараа ордог.
Марк Цукерберг өдгөө 26 настай. 23 настай дэлхийн тэргүүн баячуудын жагсаалтад орж ирсэн юм. Энэ жилийн эхээр дэлхийн хамгийн залуу тэрбумтнуудын жагсаалтад нэлээд дээгүүр бичигдсэн. Өнөөдрийн байдлаар "Facebook" 15 тэрбум ам.доллараар үнэлэгдээд байгаа. Гэхдээ Марк Цукерберг Facebook –ийг одоохондоо зарахгүй гээд "Би хүссэнээ хийж дуусаагүй байгаа" гэжээ. Хамгийн их ирээдүйтэй мэргэжилтэн гэгдэж буй Марк Цукербергийг компьютер, програм, интернэтийн хөгжилд цаашдаа ч маш их хувь нэмэр оруулна гэж мэргэжилтнүүд үздэг. Яаж ингэж их амжилтад хүрснийг судлаачид ч тайлбарлаж чадахгүй байгаа. Тэрбээр хөрөнгийнхөө хагасыг буяны үйлсэд хандивласан нь хүн төрөлхтний төлөө хийж буй бас нэгэн том алхам юм. Тиймээс "Time" сэтгүүлийн ерөнхий редактор Ричард Стенжелийн 2010 оны хүнээр Марк Цукербергийг сонгосон биз ээ.
Ю.ДЭЛГЭРМАА
Мэдээний эх сурвалж: Мэдээ.МН
Үргэлжлүүлэх>>

Зөвлөмж 10_1: Онлайн видеог MP3, MP4, AVI болон бусад төрөл рүү хөрвүүлэх

Та ЮүТүб(Youtube) -г хэр ашигладаг вэ? Зарим хүмүүс юүтүб-д орж өдөржин видео клип, бичлэг, дуу сонсдог. Тэгвэл өнөөдрийн танилцуулах сайт нь Юүтүбийн видеог MP3 дуу болон MP4, AVI, iPhone, Android гээд таны хүссэн бүхий л төрлийн файл болон төхөөрөмж рүү хөрвүүлэх чадвартай юм. Мөн ашиглахад маш амархан.

Энэхүү сайтын хөрвүүлж чадах төрлүүдийг доор жагсаалаа.

High-Quality MP3Windows Video (DIVX)HQ Video for PhoneWindows Video (AVI)
iPhone 4Android   PSPMP4
iPhone 3 and earlierBlackBerry 480x360   PS3 HDH264 720p
iPod TouchBlackBerry 480x320   PS3 SDH264 480p
iPadBlackBerry 400x360   XBox HDTivo HD
iPod ClassicBlackBerry 320x240   XBox SDDirecTV HD
iPod NanoApple TV2 HDWiiSony Bravia 16:9
QuickTimeApple TVZenSony Bravia


Одоо яаж хөрвүүлэх талаар танилцъя!
1. Эхлээд юун түрүүнд та ЮүТүб -ээс хөрвүүлэх видеогоо олон холбоосыг нь хуулж авах хэрэгтэй.
2. Одоо EasyMovieConverter.Com хаягруу орж Step 2: хэсгийн доор юүтүб-нхээ хуулж авсан холбоосыг оруулна. Мөн Step 1: хэсэгт ямар төрөл рүү хөрвүүлэхээ сонгоно. Жишээ нь та MP3 дуу руу хөрвүүлье гэвэл хамгийн эхэнд байгаа High Quality MP3-г сонгоорой
Ингээд хөрвүүлэх ажиллагааг эхлүүлэхийн тулд Retrieve it товчийг дарна.
3. Хөрвүүлэлт хийгдэж байгааг харуулав.
4. Хөрвүүлэлт дууссан учир Download Now товч дээр дарсанаар өөрийн компьютер дээр татаж авна.
5. Одоо Download to my computer now товч дарсанаар хадгалах цонх гарч ирээд байрлалаа заан өгч хадгална.
6. Компьютертоо хадгалах үйл явцыг харуулав. Бидний жишээнд Google Chrome вебхөтөч ашиглаж байгаа тул өөрөө хаана хадгалахыг асуулгүйгээр Downloads хавтаст хадгалж байна. Харин Internet Explorer хөтөч ашиглаж байгаа үед хадгалах газраа зааж өгөөрэй.
7. Бичлэг бидний хүссэн форматаар хадгалагдсан байна.
Таньд амжилт хүсье!
Үргэлжлүүлэх>>

Хакерууд Ж.Ассанжийн өшөөг авч байна

Ж.Ассанжийг баривчилсан сургаар нэр нь үл мэдэгдэх сайн дурын хакерууд Шведийн Прокурорын газрын сайт руу нэвтрэн ажилгаагүй болгожээ. Түүнчлэн төлбөрийн “PayPal” болон “Swiss Post Office” банкны сайтууд хэсэг хугацаанд хакеруудын довтолгоонд өртсөн байна.

“Бид төрийн дарамтыг “дааж чадаагүй” байгууллагуудын сайтыг сонгосон” гэсэн тайлбарыг нэрээ нууцлахыг хүссэн хакер “BBC News”-т өгчээ. Тэрбээр “Wikileaks” нь нууц баримтуудыг ил гаргадаг сайтаасаа илүү төрийнхөө эсрэг тэмцэх иргэдийн талбар болсон тул Ассанжийн дэмжлэг тун чухал байгааг онцолжээ. Английн сэтгүүлчдийн олж авсан мэдээллээр, эдгээр хакер “4chan” хэмээх нууц бүлэглэлийн гишүүд аж.
Мэдээллийн эх сурвалж: LikeIT.MN
Үргэлжлүүлэх>>

Twitter-тэй холбоотой хєгжилтэй тvvхvvд

Твиттер хэмээх зүйлийг мэдэх байх. Товчхон танилцуулбал твиттер (twitter) нь 140 болон түүнээс бага тэмдэгтэд багтаан хүмүүс өөр хоорондоо мэдээлэл солилцон харилцаа үүсгэх, хувийн зурвас илгээх байдлаар олон нийтийн харилцааны сүлжээ(social networking) юм.
Хэрэв та манай мэдээллүүдийг твиттерээр түргэн шуурхай авахыг хүсвэл бидний твиттер хаяг болох @com_technews -г дагаж болно.
Өнөөдөр та бүхэнд твиттерын талаар нэгэн сонирхолтой мэдээллийг хүргэе! Энэхүү мэдээлэл нь монголын анхны томоохон варез сайтуудын нэг болох СААК.МН-д нийтлэгдэж байсан мэдээлэл билээ.

Мэдээллийн эх сурвалж: Монголын анхны томоохон варез сайт СААК.МН

Twitter-тэй холбоотой хєгжилтэй тvvхvvд

Интернет гэж аймшигтай бєгєєд гайхамшигтай ертєнц байх юм аа. Тvvний хvч нєлєє нь хvмvvний єдєр тутмын амьдралд ямар улам эрчимжсээр байгааг бид цаг минут єнгєрєх тусам олж харж байна. Бид саяхан та бvхэнд Facebook хэмээх ер бусын олон нийтийн сайт болон бусад системvvдтэй холбоотой сонирхолтой баримтуудыг танд хvvрнэж байсан. Тэгвэл энэ удаад сvvлийн vед нилээн алдаршаад байгаа, богинохон текстvvдээр харилцдаг "Twitter" хэмээх бас нэгэн сайт нь хvмvvсийн амьдралын хэрхэн єєрчилсєн талаарх сонирхолтой нийтлэлийг танд хvргэхээр бэлтгэлээ. 


Twitter-ээр хошигнол бичсэнийхээ дараагаар баривчлагдсан зорчигч

Нэгэн залуу гашуун хошигнолоосоо болж терроризмд сэжиглэгдэн, баривчлагдаж, цагдаагийн хэлтэс дээр нилээн удаан саатуулагджээ. Хэргийн учир нь, Ирландруу нисэх гэж байсан тvvний суух онгоц нь хvчтэй цасан шуурганаас болж Донкастер дэхь Робин Гууд онгоцны буудал дээр буулгvй саатаж мэдэхээр байжээ. Зорчигч залуугийн тэвчээр нь барагдаж, бухимдсандаа Twitter дээрээ: “Чєтгєр алгадмар! Робин Гууд онгоцны буудал хаагдсан. Энэ асуудлаа шийдэхэд чинь долоо хоногийн хугацаа єгье. Эс тэгвээс би энийг чинь дэлбэлнэ шvv.”- гээд биччихсэн юм байна. Ингээд энэ явдлаас хойш яг долоо хоногийн дараа терроризмтэй тэмцэх газрынхан Terrosist Act - хуулийн дагуу, залууг гэрээс нь баривчилжээ. Залуу удаан хугацааны туршид мэдvvлэг єгч, торгууль тєлсний эцэст суллагдсан байна. 



Твиттерийн ачаар vнэгvй аялал хийгсэд

Ємнє нь зохиолч байсан тєдийгvй, радио станцад ажиллаж байсан Британий блоггер болох Поль Смит нь  Твиттерийн тусламжтайгаар аялах боломжийг олгодог “twichhiking” хэмээх ойлголтыг англи хэлний угсийн санд оруулж, хэрэгжvvлсэн хvн юм. Поль нь 2009 оны 2-р сард Twitter- системийг боломжууд болон сайхан сэтгэлт хvмvvсийн дэмжлэгтэйгээр 30 хоногийн дотор дэлхийг тойрох зорилготой “twichhiking” хэмээх тєслийг блог дээрээ танилдцуулжээ. Энэхvv хєтєлбєрт хамрагдагчид нь аялах зуураа ганц ч мєнгє гаргалгvйгээр, зєвхєн аян замын хvмvvсээс тусламж гуйж явах ёстой бєгєєд зєвхєн Твиттерийг ашиглаж хоорондоо харилцах дvрэмтэй юм байна. Мєн нэг газраа 2 цагаас илvv хугацаатайгаар байж болохгvй тєдийгvй аялалаа гурван єдрийн ємнєєс тєлєвлєх ёстой ажээ. Ийм маягаар Смит Франкфурт нь твиттер дээрхи 11 мянган дагагчдынхаа ачаар Шинэ Зеландын Стюард арлаас Германы Франкфурт хvртэл аялж, энэ хугацаандаа хvмvvсийн хандив тусламжаар 5000 фунт цуглуулсан байна. Vvнээс vзэхэд Дэлхий дээр сайн хvмvvс нь муугаасаа олон байдаг бєгєєд, хэрэв та гадаад паспорттой л бол дэлхийгээр vнэгvй аялж болох юм байна гэдэг нь тодорхой болжээ.



Супермаркет доторхи нvцгэн найруулагч

Индонезийн тайзны зураглаач, найруулачг Йоко Анвар нь Твиттер дээрээ 3000 фолловер буюу дагагчтай болсон тохиолдолд гэрийнхээ хажуугийн супермаркетруу эхээс тєрсєн биеэрээ гvйж орохоо амлажээ. Тvvнийг энэ амлалтаа єгч байхад нь follower-уудынх нь тоо 1800 байжээ. Тvvнийг ам гарсных нь дараа нэг цаг єнгєрєд 3000 хvн тvvнийг дагаж байлаа. Иймээс хєєрхий Йоко шєнє дунд гэрээсээ чармай нvцгэн гарч, дэлгvvр орсон байна. Дэлгvvрийн худалдагчид ч тvvний амлалтыг мэдэж байсан болохоор инээгээд л єнгєрчээ. Одоо мань эр энэхvv vйлдлээсээ болж 65 мянган дагалдагчтай болсон гэнэ шvv. Санаанд оромгvй хайнга амлалт, бас тvvнийгээ биелvvлэх эр зориг хоёр цогцолсон хєгжилтэй явдал байгаа биз? 




Twitter-ийн ачаар саажилтаас ангижирсан залуу

Веб-дизайнер Патрик Жонсон нь нэгэн єглєє сэрээд, єєрийнхєє тал биеийг мэдээгvй болсныг олж мэджээ. Тэрээр энэ талаараа Twitter дээрээ бичээд, хэдхэн секундын дотор хариу авсан байна. Тvvнд илэрсэн энэхvv шинж тэмдэг нь “Бэллийн саажилт” гэдгээрээ алдартай ховорхон євчний эхлэл байжээ. Мєн Twitter дээр нь тvvнийг яаралтай эмчид хандахыг зєвлєж, эс тэгвээс нvvрний бvх булчингууд нь бvрэн мэдээгvй болохыг анхааруулсан байна. Патрик Жонсон ч энэхvv зєвлєгєєг дагаж, 40 минутын дараа гэхэд эмнэлэгт хvргэгдэн, цаг тухайд нь тохиромжтой анхны тусламжыг авч чадсанаараа єєрийгєє аварч чаджээ. Vнэн хэрэг дээрээ тvvний эрvvл мэнд, амьдралыг нь Twitter дээрхи 347 найзынх нь нэг нь аварсан юм. Тэр хvн тухайн vед тvvний бичлэгийг олж уншаад, зєвлєгєє єгєєгvй байсан бол Патрик Жордон нь тахир дутуу хvний сандал дээр vлдсэн насаа єнгєрєєх байсан биз ээ. Ийнхvv ямар ч хэрэггvй мэт санагддаг вэб сvлжээний хvний аминд орсон талаарх нэгэн тvvхтэй таныг танилцууллаа.
Үргэлжлүүлэх>>

"Олны таашаал хүртсэн блог" төрөлд манай блог шилдэг 5-д шалгарлаа.

"Монгол блогчид 2010" наадам саяхан буюу 2010 оны 12 сарын 3-ны өдөр болж өнгөрсөн билээ. Энэхүү наадамд манай блог "Олны таашаал хүртсэн блог" төрөлд өрсөлдөж шилдэг 5-д шалгарсан явдалд баяртай байна. Бид түрүүлэх гэж энэ наадамд оролцоогүй бөгөөд блогоо монгол түмэндээ таниулахын тулд оролцсон юм. Манай блогийг дэмжиж саналаа өгсөн бүх хүмүүстээ чин сэтгэлээсээ таларсанаа илэрхийлье! Мөн энэхүү үйл ажиллагааг маш амжилттай зохион байгуулсан "NMMA" буюу New Media Marketing Agency-нхандаа ажлын өндөр амжилт хүсье! Бид цаашид блогоо улам өргөжүүлэх болноо. Ингээд "Монгол блогчид 2010" наадмын албан ёсны мэдээллийг хүргэе.

Мэдээллийн эх сурвалж: The New Media Marketing Agency

Олон нийттэй харилцах мэргэжилтэн Ж.Лувсандорж


“МОНГОЛ БЛОГЧИД 2010” Ёслолын ажиллагаа сонин содон үйл явдлаар дүүрэн болж өндөрлөлөө

(“Монгол блогчид 2010” наадмын тухай албан ёсны мэдээлэл)
  1 of 4
The New Media Marketing Agency-н санаачилгаар Монголыг блогчдын дэмжлэгтэйгээр Мэдлэг чадвараа нийгмийн хөгжилд харамгүй зориулж буй блогчидоо хүндэтгэж, урамшуулж, нийгмийн сайн сайхны төлөө нэгдэж олон ажил хийж чадна гэдгийг харуулж, интернет орчин дахь соёлыг дэлгэрүүлж, монгол залуус боломжоо олж хараасай гэсэн зорилгоор зохион байгуулсан “Монгол блогчид 2010” наадам амжилттай болж өндөрлөлөө.
 1. Шалгаруулалтын хувьд: http://monbloggersevent.ideascale.com/хүссэн блогч бүр өөрийн блогийг бүртгүүлж дэмжигчид нь санал өгөх боломжтой нээлттэй санал асуулгаар 1-р шатны шалгаруулалт явагдлаа.  208 блогч блогоо нэр дэвшүүлэн өрсөлдүүлж 1963 хэрэглэгч бүртгэгдэж 3843 санал, 511 сэтгэгдэл үлдээсэн байна. Ингээд нийтийн санал асуулгаар хамгийн олон санал авсан 36 блогийг 2 шатанд дэвшүүлж, New Media Marketing Agency Index-ээр шалгаруулж, 25 блогийг 3-р шатанд нэр дэвшүүллээ. 25 блогт олны танил блогчид АмайНийлэлч ноён Б.БатбаярСэтгүүл, зохиолч А.АмарсайханМонголын блогчдын холбооны тэргүүн Б.Батхүү, Блогч Г.Хантулга, “Adsolux компанийн захирал Д.ДөлмандахМҮОНТВ-ийнзахирал Ц.Оюундарь, “Синглтон” компанийн захирал В.Баярсайхан, Эдийн засагч Д.Жаргалсайхан гэсэн 10 хүн оноо өгч номинаци бүрийн шилдэг блог болон Шилдгийн шилдэг блогийг тодруулсан билээ.
Зарим нэг туршлагатай блогчид өөрсдийн саналаар залуучууддаа боломж олгоё гэж хэлээд оролцохоос татгалзсан. Энэ бол блогч хүний зангараг, ухаалаг зан харагдаж байна. Мөн шүүгч нар болон зохион байгуулагч байгууллагын блогийг шилдэгт өрсөлдүүлээгүй болно.
2. “Нийгмийн сэдэвт” төрөлд өрсөлдөхөөр шалгарч үлдсэн 5 шилдэг блог
http://lehhh.wordpress.com/
http://ulstur.blogspot.com/
http://aanxaa.blog.gogo.mn
http://www.jargalkhand.blogspot.com/
http://alimaa.wordpress.com/ эндээс Шүүгч нарын саналаарhttp://aanxaa.blog.gogo.mn блог Шилдэг нийгмийн сэдэвт блогоор шалгарлаа. Шилдэг нийгмийн сэдэвт блогийн өргөмжлөлийг Монгол Улсын Ерөнхий сайд С.Батболд гардуулж, наадмын ивээн тэтгэгч байгууллага “АПУ” Green Spot-ийн төлөөлөл NEW MEDIA цом, нэрэмжит шагналаа гардууллаа.
3. “Шилдэгт бизнес блог” төрөлд өрсөлдөхөөр шалгарч үлдсэн 5 шилдэг блог
http://djargal.blogspot.com/
http://vganzorig.blogspot.com/
http://mongoliabusinessblog.com/
http://www.mugmarketing.blogspot.com/
http://enkhtor.blogspot.com/ эндээс Шүүгч нарын саналаарhttp://vganzorig.blogspot.com/ блог 2010 оны Шилдэг бизнес блогоор шалгарлаа. Шилдэг Бизнес блогийн өргөмжлөлийг МҮЭ-ийн ерөнхийлөгч С.Ганбаатар гардуулж, наадмын ивээн тэтгэгч “Хас” банк, Вестерн Юнион-ийн төлөөлөл NEW MEDIA цом, нэрэмжит шагналаа гардууллаа.
 
4. “Олны таашаал хүртсэн” төрөлд өрсөлдөхөөр шалгарч үлдсэн 5 шилдэг блог
http://enhmandah.blogmn.net
http://gegeen.wordpress.com/
http://www.zayaz.net/
http://pclavlah.blogspot.com/
http://www.suuder.com/ эндээс Шүүгч нарын саналаарhttp://www.suuder.com/ блог 2010 оны Шилдэг “олны таашаал хүртсэн” блогоор шалгарлаа. Шилдэг блогийн өргөмжлөлийг Ерөнхийлөгчийн зөвлөх Ч.Отгочулуу гардуулж, наадмын ивээн тэтгэгч “Оточ одь” дээд эрүүл мэндийн эмнэлэг болон “Мандухай хатан” компанийн төлөөлөлNEW MEDIA цом, нэрэмжит шагналаа гардууллаа.
 

5. “Энтертаймент” төрөлд өрсөлдөхөөр шалгарч үлдсэн 5 шилдэгблог
http://moviemn.posterous.com/
http://www.itismovie.mn/
http://huuy-haay.blogspot.com
http://bibbytimes.com/
http://www.izone.mn/ эндээс Шүүгч нарын саналаарhttp://www.itismovie.mn/ блог 2010 оны Шилдэг “Энтертаймент” блогоор шалгарлаа. Шилдэг Бизнес блогийн өргөмжлөлийг Эдийн засагч Д.Жаргалсайхан гардуулж, ивээн тэтгэгч “Fohow” эрүүл мэндийн компанийн Ерөнхий захирал С.Дашдулам NEW MEDIA цом, 1 сая төгрөгийн үнэ бүхий эрүүл мэндийн бүтээгдэхүүнээр шагналаа.
6. Шилдгийн шилдэг блогоор http://gegeen.wordpress.com/ блог тодорч, өргөмжлөлийг зохиолч сэтгүүлч А.Амарсайхан, Цомыг “Тэнгэр” санхүүгийн нэгдлийн Гүйцэтгэх захирал Ч.Ганхуяг нар ёслол төгөлдөр гардуулснаар Шагнал гардуулах ёслолын ажиллагаа өндөрлөлөө. Энэ үеэр А.Амарсайхан “Залуусыг хөгжүүлэх гол талбар бол блог юм” гэж онцлон хэллээ.
7. Монголын блогчидын холбооны тусгай шагналыг Блогч Гамп, Үлэмж нар авлаа. Мөн “Мандухай хатан” компанийн нэрэмжит шагналыгhttp://www.zayaz.net/ блог тус тус хүртлээ.
8. “Монгол блогчид 2010” наадмын үеэр зохион байгуулагдсан нэг чухал ажил бол Олон улсын хөгжлийн бэрхшээлтэй иргэдийн эрхийг хамгаалах өдрийг тохиолдуулан наадмын таксын орлогоор хөгжлийн бэрхшээлтэй 2 иргэнд тусламж үзүүлсэн хүмүүнлэгийн ажил байлаа. Хэдийгээр таксын орлого нь тусламж үзүүлэх хэмжээнд хүрээгүй хэдий ч The New Media Marketing Agency-н залуус цалингаа хандивлаж,Батнасангийн НэмэхбаярБалдорж Мөнххишиг нарт Lenovo брендийн лаптоп, “Мандухай хатан” компанийн иж бүрдэл гоо сайхны бүтээгдэхүүнийг тус бүрд The New Media Marketing Agency-н захиралА.Мэнд-Орших гардуулж цаашдын хийж бүтээх ажил үйлсд нь урам зориг өгснийхөө дараа Монгол блогчид наадам 100 блогчидын уулзалт зохион байгуулах санааг хамтын хамтын санаагаар хэрхэн баяжуулж Монгол блогчиддоо хүндэтгэл үзүүлэх наадам болтлоо хөгжсөн тухай бяцхан түүх үгүүллээ.
Наадмын үеэр Ерөнхий сайд С.Батболд залуусын зохион байгуулж байгаа ажлыг сонирхоё гээд хүрч ирсэн нь Блогчид бидний ажлын тодорхой хэмжээгээр хүндэтгэж, үнэлж буйг харуулсан хэрэг боллоо. Ерөнхий сайдтай интернет орчинд блогчидоо уулзуулж байх боломж олгоё гэж шийдсэн учир Ерөнхий сайдын twitter акунтыг нь нээж олон нийтэд зарлалаа. Сайд ч интернет орчинд залуустай нээллттэй санал бодлоо солилцож байхаа амлаж дараагийн уулзалтын цаг болсон учир явахаар боллоо.
Мөн Жааз дуучин Д.Цэцэнбилэг, BEATNEG Family бүжгийн хамтлаг, “Double effect Bit Box Моханик хамтлагууд хүрэлцэн ирж уран бүтээлээ өргөсөнөөс гадна Vanquish, Opozit, TG нар The New Media Marketing Agency-н хамт олонд зориулан бүтээсэн бүтээлээ өргөн барьлаа. Наадмын чөлөөт хөтөлбөр болгож наадмын азтангуудыг тодруулж Зураач В.Ундраагийн “Элбэг ширээ” уран зураг, Нэвтрүүлэгч Г.Оюунбатын “Монголын нууц товчоо” сонсдог ном тэргүүтэй бэлэг гардууллаа. Мөн нүүрэн дээрээ сошель лого зураг зуруулах, сошель баатруудтай зургаа татуулах, блогчидод зориулсан нээлттэй микрофон, twitter, facebook, blogspot, wordpress булангуудад гарын үсгээ үлдээх, диско бүжиг зэрэг олон сонирхолтой үйл ажиллагаа боллоо. “Монгол блогчид 2011” наадмын уриаг зохиох тэмцээн явагдаж 7 хүн өрсөлдсөнөөс “Сэтгэцгээе Бичицгээе, Сэрцгээе Монголчууд аа” уриагаар Д.Чимидцэрэн, “Мэддэгээ бичиж, Мэддэггүйгээ уншицгаая” уриагаар М.Жамъяанчойжил нар түрүүлж Датаком компаниас домайн хаяг авах эрх, “Монгол эгшиглэн” хамтлагийн Бид Монголдоо хайртай СД-ний эзэн боллоо. Монголын хамгийн анхны сошель нетворк болох Бизнетворк-ийн “Хүүхэд бүрийн төлөө хамтдаа” бүлгээс амьдралын түвшин доогуур хүүхдүүдэд тусламж үзүүлэхээр зохиож буй Хандивийн Маскарад шоуны хос тасалбарын дуудлага худалдаа болж Индалахэмээх бусгүй 200000₮-өөр худалдаж авлаа.

Монгол блогчид 2010 наадам фото зургийн хальснаа ингэж буусан байна. Та очиж амжаагүй бол үзээрэй. 1 хуудас2 хуудас.
Наадмын зохион байгуулахад бүх талын туслалцаа үзүүлж бодит ажил хэрэг болгож мэдээллийн технологийн хөгжилд үнэтэй хувь нэмэр оруулсан Ивээн тэтгэгч байгууллагууд 
-          "Тэнгэр" санхүүгийн нэгдэл-          "Хас" банкны  Вестерн Юнион үйлчилгээ-          АПУ Green Spot-          "Fohow" хүний хөгжил, эрүүл мэндийн компани-          "Оточ одь" дээд эрүүл мэндийн эмнэлэг-          Датаком” компани-          Мандухай Хатан ” гоо сайхны бүтээгдэхүүн үйлдвэрлэл, үйлчилгээний компани-          Телемакс Коммуникэйшн” компаниудад Монгол блогчидынхоо өмнөөс маш их баярлалаа.
Мөн Мэдээллээр дэмжигч байгууллага http://biznetwork.mn/,http://gogo.mn/http://www.news.mn/http://shudarga.mn/,www.shuud.mnwww.mongolnews.mn д талархалаа илэрхийлье. 
Монгол блогчид нэгдэж чадлаа. Монгол блогчид хамтраад нийгэмдээ хувь нэмэр оруулж чадлаа. Блогийн ач холбогдолыг ойлгуулж чадлаа. Монгол залуус өөрийгөө болон Монгол улсаа дэлхийд таниулах гарцтай боллоо. Монгол блогчидын хамтын ажиллагаа хүчтэй, бодитой, үр дүнтэй байж чадна аа. Дараа жилийн наадмаар илүү олон блогтой, илүү их сонин сайхантай уулзацгаая.
МОНГОЛЫН БЛОГЧИД МАШ ОЛОН БОЛОХ БОЛТУГАЙ! 
The New Media Marketing AgencyОлон нийттэй харилцах мэргэжилтэн Ж.Лувсандорж
Үргэлжлүүлэх>>